ഇന്ത്യൻ ഭരണഘടന ഉറപ്പു നൽകുന്ന മൗലികാവകാശങ്ങൾ, മൗലികാവകാശങ്ങളുടെ ശില്പി ആര്, മൗലികാവകാശങ്ങളുടെ സംരക്ഷകൻ എന്നറിയപ്പെടുന്നതാര്?. എല്ലാ PSC പരീക്ഷകളിലും ആവർത്തിച്ചു ചോദിക്കുന്ന ചോദ്യങ്ങൾ.
1. മൗലികാവകാശങ്ങളുടെ ശില്പി എന്നറിയപ്പെടുന്ന നേതാവാര്?
📕 സർദാർ വല്ലഭായി പട്ടേൽ.
2. അഖിലേന്ത്യാ സർവീസിന്റെ പിതാവ് എന്നറിയപ്പെടുന്നതാര്?
📕 സർദാർ വല്ലഭായി പട്ടേൽ.
[എന്നാൽ ഇന്ത്യൻ സിവിൽ സർവീസിന്റെ പിതാവ് എന്നറിയപ്പെടുന്നത് കോൺവാലിസ് പ്രഭുവാണ്.]
4. 1928 നടന്ന ബർദോളി സത്യാഗ്രഹത്തിന് നേതൃത്വം നൽകിയതാര്?
📕 സർദാർ വല്ലഭായി പട്ടേൽ.
5. സർദാർ വല്ലഭായി പട്ടേൽ അദ്ധ്യക്ഷം വഹിച്ച കോൺഗ്രസ് സമ്മേളനം?
📕 കറാച്ചി കോൺഗ്രസ് സമ്മേളനം. (1931.)
LDC-LGS Main-Degree Prelims QUIZ
6. ഭരണഘടന നിർമ്മാണ സഭയിലെ മൗലികാവകാശങ്ങളും ന്യൂനപക്ഷങ്ങളും കമ്മിറ്റിയുടെ ചെയർമാൻ?
📕 സർദാർ വല്ലഭായി പട്ടേൽ.
{സ്വതന്ത്ര ഇന്ത്യയുടെ പ്രഥമ മന്ത്രിസഭയിൽ ഉപപ്രധാനമന്ത്രി, ആഭ്യന്തരമന്ത്രി എന്നീ പദവികൾ വഹിച്ചു.}
6. ഇന്ത്യൻ ബിസ്മാർക്ക്, ഇന്ത്യയുടെ ഉരുക്കുമനുഷ്യൻ എന്നീ വിശേഷണങ്ങൾ ആർക്കുള്ളതാണ്?
📕 സർദാർ വല്ലഭായി പട്ടേൽ.
7. വല്ലഭായി പട്ടേലിന് സർദാർ എന്ന ബഹുമതി സമ്മാനിച്ചതാര്?
📕 മഹാത്മാഗാന്ധി.
8. എനിക്ക് ഒരു കൾച്ചറേ അറിയൂ, അത് അഗ്രികൾച്ചറാണ് ഇങ്ങനെ പറഞ്ഞ നേതാവാര്?
📕 സർദാർ വല്ലഭായി പട്ടേൽ.
9. സർദാർ പട്ടേലിന്റെ ജന്മദിനമായ ഒക്ടോബർ 31 നാം ഏത് ദിനമായി ആചരിക്കുന്നു?
📕 രാഷ്ട്രീയ ഏകതാ ദിവസ്.
10. ലോകത്തിലെ ഏറ്റവും ഉയരമേറിയ പ്രതിമ ഏത്?
📕 സ്റ്റാച്യു ഓഫ് യൂണിറ്റി. (ഏകതാ പ്രതിമ.)
[നർമ്മദാ നദി കരയിൽ, 182 മീറ്റർ ഉയരമുള്ള സർദാർ പട്ടേലിന്റെ പൂർണകായ പ്രതിമയാണ് ഏകതാ പ്രതിമ.]
11. സ്റ്റാച്യു ഓഫ് യൂണിറ്റിയുടെ ശില്പി ആര്?
📕 റാം വി സുതർ.
12. ഏകതാ പ്രതിമയുടെ നിർമ്മാണ മേൽനോട്ടം വഹിച്ച പ്രൈവറ്റ് കമ്പനി?
📕 ലാർസൺ & ടൂബ്രോ ലിമിറ്റഡ്.
📕 ഭാഗം III ( അനുച്ഛേദം 12 - 35 വരെ)
14. മൗലികാവകാശങ്ങൾ ഇന്ത്യൻ ഭരണഘടന കടം കൊണ്ടിരിക്കുന്നത്?
📕 അമേരിക്കയിൽ നിന്ന്.
15. ഇന്ത്യൻ ഭരണഘടനയുടെ ആണിക്കല്ല്, ഇന്ത്യയുടെ മാഗ്നാകാർട്ട, സ്വാതന്ത്ര്യത്തിന്റെ വിളക്കുകൾ എന്നിങ്ങനെ അറിയപ്പെടുന്നത്?
📕 മൗലികാവകാശങ്ങൾ.
16. മൗലിക അവകാശങ്ങളുടെ പ്രഖ്യാപനമായിരിക്കും ഭാവി ഇന്ത്യയുടെ അടിസ്ഥാനം എന്ന് പ്രഖ്യാപിച്ച കോൺഗ്രസ് സമ്മേളനം?
📕 1927 ലെ മദ്രാസ് കോൺഗ്രസ് സമ്മേളനം.
17. മൗലികാവകാശങ്ങളെ കുറിച്ച് പ്രമേയം പാസാക്കിയ കോൺഗ്രസ് സമ്മേളനം?
📕 1931 ലെ കറാച്ചി കോൺഗ്രസ് സമ്മേളനം.
( അധ്യക്ഷൻ സർദാർ വല്ലഭായ് പട്ടേൽ)
18. ഒരു വ്യക്തിക്ക് ഒരു കാരണവശാലും നിഷേധിക്കപ്പെടാൻ പാടില്ലാത്ത അവകാശങ്ങളാണ്?
📕 മൗലികാവകാശങ്ങൾ.
19. ഇന്ത്യയിലെ ജനങ്ങൾക്ക് ഉറപ്പുനൽകേണ്ട അവകാശങ്ങളുടെ പട്ടിക സമർപ്പിച്ച റിപ്പോർട്ട്?
📕 1928 ലെ നെഹ്റു റിപ്പോർട്ട് by മോത്തിലാൽ നെഹ്റു ചെയർമാനായ കമ്മിറ്റി.
20. ഭരണഘടന നിലവിൽ വന്നപ്പോൾ ഉണ്ടായിരുന്ന മൗലികാവകാശങ്ങളുടെ എണ്ണം?
📕 7.
( മൗലികാവകാശം ആയിരുന്ന സ്വത്താവകാശം ഇപ്പോൾ ഒരു നിയമാവകാശം ആണ്.)
21. സ്വത്തവകാശത്തെ മൗലികാവകാശങ്ങളുടെ പട്ടികയിൽ നിന്നും നീക്കം ചെയ്ത ഭേദഗതി ഏത്?
📕 44-ാം ഭേദഗതി 1978.
22. സ്വത്തവകാശത്തെ മൗലികാവകാശങ്ങളുടെ പട്ടികയിൽ നിന്നും നീക്കം ചെയ്ത പ്രധാനമന്ത്രി?
📕 മൊറാർജി ദേശായി.
23. നിലവിൽ സ്വത്തവകാശം ഉൾപ്പെടുന്ന ഭരണഘടന അനുച്ഛേദം?
📕 അനുച്ഛേദം 300A, ഭാഗം XII.
24. 6 മൗലികാവകാശങ്ങൾ ഏതൊക്കെ?
1. സമത്വത്തിനുള്ള അവകാശം. (14-18.)
2. സ്വാതന്ത്ര്യത്തിനുള്ള അവകാശം. (19-22).
3. ചൂഷണത്തിനെതിരായ അവകാശം. (23-24).
4. മതസ്വാതന്ത്ര്യത്തിനുള്ള അവകാശം. (25-28).
5. സാംസ്കാരികവും വിദ്യാഭ്യാസപരവുമായ അവകാശം. (29-30).
6. ഭരണഘടനാപരമായ പ്രതിവിധിക്കുള്ള അവകാശം. (32)
25. നിയമത്തിനു മുന്നിൽ എല്ലാവരും തുല്യരാണെന്നും എല്ലാവർക്കും തുല്യ നിയമപരിരക്ഷ നൽകണമെന്നും അനുശാസിക്കുന്ന വകുപ്പ്?
📕 അനുഛേദം 14.
26. മതം, വർഗ്ഗം, ജാതി, ലിംഗം എന്നിവയുടെ അടിസ്ഥാനത്തിൽ വിവേചനം പാടില്ല എന്ന് അനുശാസിക്കുന്ന വകുപ്പ്?
📕 അനുച്ഛേദം 15.
27. സ്ത്രീക്കും പുരുഷനും തുല്യത ഉറപ്പുവരുത്തുന്ന ഭരണഘടനാ അനുച്ഛേദം?
📕 അനുഛേദം 15.
28. പൊതു നിയമനങ്ങളിൽ അവസരസമത്വം ഉറപ്പുനൽകുന്ന വകുപ്പാണ്?
📕 അനുച്ഛേദം 16.
LGS/LDC Main/Degree Prelims QUIZ
29. അയിത്തം, തൊട്ടുകൂടായ്മ എന്നിവ നിരോധിക്കുന്ന ഭരണഘടനാ വകുപ്പേത്?📕 അനുഛേദം 17.
30. മഹാത്മാഗാന്ധി കീ ജയ് എന്ന മുദ്രാവാക്യം വിളിയോടെ പാസാക്കിയ ഭരണഘടനയിലെ ഏക വകുപ്പ്?
📕 അനുഛേദം 17.
31. അക്കാദമിക് മിലിട്ടറി നാമങ്ങൾ ഒഴികെ പദവി നാമങ്ങൾ നിരോധിക്കുന്ന വകുപ്പേത്?
📕 അനുച്ഛേദം 18.
32. 6 മൗലിക സ്വാതന്ത്ര്യങ്ങളേ കുറിച്ച് പ്രതിപാദിക്കുന്ന ഭരണഘടനാ വകുപ്പ് ഏത്?
📕 അനുച്ഛേദം 19(1).
33. പത്രസ്വാതന്ത്ര്യം പരോക്ഷമായി ഉൾകൊള്ളുന്ന ഭരണഘടനാ അനുച്ഛേദം?
📕 അനുച്ഛേദം 19(1)(a).
34. ഫോർത്ത് എസ്റ്റേറ്റ് എന്നറിയപ്പെടുന്നത് ഏത്?
📕 പത്രമാധ്യമങ്ങൾ.
35. അടിയന്തരാവസ്ഥ പ്രഖ്യാപിച്ചയുടൻ രാഷ്ട്രപതിയുടെ ഇടപെടലില്ലാതെ തന്നെ സ്വാഭാവികമായി റദ്ദാക്കുന്ന മൗലികാവകാശം ഏത്?
📕 അനുച്ഛേദം 19. (6 തരത്തിലുള്ള സ്വാതന്ത്ര്യങ്ങൾ).
LDC/LGS Main/Degree Prelims QUIZ
36. മൗലികാവകാശങ്ങളിൽ ഭേദഗതി വരുത്താൻ അധികാരമുള്ളതാർക്ക്?📕 പാർലമെന്റിന്.
37. അടിയന്തരാവസ്ഥ സമയങ്ങളിൽ മൗലികാവകാശങ്ങൾ റദ്ദ് ചെയ്യാനുള്ള അധികാരം ആർക്കാണ്?
📕 രാഷ്ട്രപതിക്ക്.
38. അടിയന്തരാവസ്ഥ സമയങ്ങളിൽ പോലും റദ്ദ് ചെയ്യാൻ കഴിയാത്ത മൗലികാവകാശങ്ങൾ ഏതൊക്കെ?.
📕 അനുച്ഛേദം 20 & 21.
39. ഒരു കുറ്റവാളിക്ക് ലഭിക്കേണ്ട മൂന്നു തരത്തിലുള്ള സംരക്ഷണം നൽകുന്ന അനുച്ഛേദം ഏത്?
📕 അനുച്ഛേദം 20.
🔴 മുൻകാലപ്രാബല്യത്തോടെ ക്രിമിനൽ നിയമങ്ങൾ പാസാക്കാൻ പാടില്ല.
🔴 ഒരു വ്യക്തിയെ ഒരു കുറ്റത്തിന് ഒന്നിലേറെത്തവണ ശിക്ഷിക്കാൻ പാടില്ല.
🔴 ഒരു വ്യക്തിയെ അയാൾക്കെതിരെ തെളിവു നൽകുന്നതിന് നിർബന്ധിക്കാൻ പാടില്ല.
40. ജീവിക്കുന്നതിനും വ്യക്തിസ്വാതന്ത്ര്യത്തിനുമുള്ള അവകാശം ഉറപ്പു നൽകുന്ന അനുച്ഛേദം ഏത്?
📕 അനുച്ഛേദം 21.
41. മൗലികാവകാശങ്ങളുടെ അടിത്തറ എന്നറിയപ്പെടുന്ന അനുച്ഛേദം?
📕 21-ാം അനുഛേദം.
42. കേരള ഹൈക്കോടതി പൊതുസ്ഥലങ്ങളിൽ പുകവലി നിരോധിച്ചത് ഏത് അനുച്ഛേദപ്രകാരം?
📕 21-ാം അനുഛേദം.
43. സ്വകാര്യതയ്ക്കുള്ള അവകാശം ഉൾക്കൊള്ളുന്ന അനുഛേദം ഏത്?
📕 അനുച്ഛേദം 21.
44. സ്വകാര്യതയ്ക്കുള്ള അവകാശം ഏത് വിഭാഗത്തിൽപ്പെടുന്നു?
📕 മൗലികാവകാശം.
45. ഏത് കേസിലാണ് സ്വകാര്യതയ്ക്കുള്ള അവകാശം മൗലികാവകാശമായി സുപ്രീം കോടതി പ്രഖ്യാപിച്ചത്?
📕 കെ. എസ്. പുട്ടസ്വാമി കേസ്. (2017).
46. സ്വന്തം ഇഷ്ടപ്രകാരം ഒരു പൗരന് ജീവിത പങ്കാളിയെ തെരഞ്ഞെടുക്കാനുള്ള അവകാശം നൽകുന്ന അനുച്ഛേദം?
📕 അനുച്ഛേദം 21.
47. വിദ്യാഭ്യാസം മൗലികാവകാശമാക്കിയപ്പോൾ ഭരണഘടനയിൽ കൂട്ടിച്ചേർത്ത അനുച്ഛേദം ഏത്?.
📕 അനുച്ഛേദം 21A.
48. 6 - 14 വയസ്സുവരെയുള്ള കുട്ടികൾക്ക് സൗജന്യ വിദ്യാഭ്യാസം മൗലികാവകാശമാക്കിയ ഭരണഘടനാ ഭേദഗതി ഏത്?
📕 86 -ാം ഭേദഗതി, 2002.
49. അനുഛേദം 21A അടിസ്ഥാനമാക്കി പാർലമെൻറ് പാസാക്കിയ നിയമം?
📕 വിദ്യാഭ്യാസ അവകാശനിയമം.
50. പാർലമെൻറ് വിദ്യാഭ്യാസ അവകാശ നിയമം പാസാക്കിയ വർഷം?
📕 2009 ഓഗസ്റ്റ് 26.
(വിദ്യാഭ്യാസ അവകാശ നിയമം ഇന്ത്യയിൽ നിലവിൽ വന്നത്? 2010 ഏപ്രിൽ 1.)
LDC Main/LGS/Degree Prelims QUIZ
51. ഭരണഘടനയിലെ സുവർണ ത്രികോണം എന്ന വിശേഷണമുള്ള അനുഛേദങ്ങൾ?
📕 അനുച്ഛേദം 14, 19 & 21.
52. നിയമവിധേയമല്ലാത്ത അറസ്റ്റിനും തടങ്കലിനുമെതിരെ സംരക്ഷണം നൽകുന്ന അനുച്ഛേദം ഏത്?
📕 അനുഛേദം 22.
53. അറസ്റ്റ് ചെയ്ത ഒരാളെ, 24 മണിക്കൂറിനകം മജിസ്ട്രേറ്റിനു മുന്നിൽ ഹാജരാക്കണമെന്ന് അനുശാസിക്കുന്ന ഭരണഘടനാ വകുപ്പ്?
📕 അനുച്ഛേദം 22.
54. കരുതൽ തടങ്കലിലായ ഒരു വ്യക്തിയെ വിചാരണ കൂടാതെ തടവിൽ വയ്ക്കാൻ കഴിയുന്ന കാലയളവ്?
📕 3 മാസം.
55. കരുതൽ തടങ്കൽ നിയമപ്രകാരം രാജ്യത്ത് അറസ്റ്റിലായ ആദ്യ വ്യക്തി ആര്?
📕 എ. കെ. ഗോപാലൻ.
56. ലോക ബാലവേല വിരുദ്ധ ദിനം എന്ന്?
📕 ജൂൺ 12.
57. മനുഷ്യക്കടത്ത്, അടിമത്തം, നിർബന്ധിത തൊഴിലെടുപ്പിക്കൽ എന്നിവ നിരോധിക്കുന്ന അനുച്ഛേദം?.
📕 അനുച്ഛേദം 23.
58. ബാലവേല നിരോധിക്കുന്ന അനുച്ഛേദം ഏതാണ്?
📕 അനുഛേദം 24.
59. ബാലവേല ഉപയോഗിക്കാത്ത ഉൽപ്പന്നങ്ങൾക്ക് നൽകുന്ന ഗുണമേന്മാ മുദ്രയുടെ പേര്?
📕 റഗ് മാർക്ക്.
(റഗ് മാർക്ക് ഇപ്പോൾ അറിയപ്പെടുന്നത് - ഗുഡ് വീവ്.)
60. റഗ് മാർക്ക് എന്ന ആശയത്തിന്റെ ഉപജ്ഞാതാവാര്?
📕 കൈലാഷ് സത്യാർത്ഥി.
61. ഫാക്ടറീസ് ആക്ട് സ്വതന്ത്ര ഇന്ത്യയിൽ പാസാക്കിയ വർഷം?
📕 1948.
Degree Prelims/LDC/LGS Main - QUIZ
62. ചൈൽഡ് ലേബർ (പ്രൊഹിബിഷൻ & റെഗുലേഷൻ) ആക്ട് പാസാക്കിയ വർഷം?📕 1986.
63. പോക്സോ ആക്ട് പാർലമെന്റ് പാസാക്കിയത്?
📕 2012 ൽ.
[POCSO Act - The Protection of Children from Sexual Offences (POCSO) Act.]
64. കമ്മീഷൻ ഫോർ പ്രൊട്ടക്ഷൻ ഓഫ് ചൈൽഡ് റൈറ്റ്സ് ആക്ട് പാസാക്കിയത്?
📕 2005 ൽ.
65. NCPCR നിലവിൽ വന്നത്?
📕 2007 ൽ.
[NCPCR - The National Commission for Protection of Child Rights.]
66. NCPCR ന്റെ പ്രഥമ അദ്ധ്യക്ഷ ആര്?
📕 ശാന്താ സിൻഹ.
67. ഇഷ്ടമുള്ള മതത്തിൽ വിശ്വസിക്കുന്നതിനും പ്രചരിപ്പിക്കുന്നതിനുമുള്ള അവകാശം നൽകുന്ന അനുച്ഛേദം?
📕 അനുഛേദം 25.
68. ഓരോ മതവിഭാഗങ്ങൾക്കും മത സ്ഥാപനങ്ങൾ സ്ഥാപിക്കുന്നതിനുള്ള അവകാശം ഉറപ്പുനൽകുന്ന അനുച്ഛേദം?
📕 അനുഛേദം 26.
69. ഏതെങ്കിലും മതത്തിന്റെ പ്രോത്സാഹനത്തിനു വേണ്ടി നികുതികൾ കൊടുക്കാൻ നിർബന്ധിക്കുന്നതിനെതിരെയുള്ള അവകാശം?
📕 അനുച്ഛേദം 27.
70. ഗവൺമെന്റ് സഹായം സ്വീകരിക്കുന്ന വിദ്യാഭ്യാസ സ്ഥാപനങ്ങളിൽ മതബോധനം നടത്തുന്നത് തടയുന്ന അനുഛേദം?
📕 അനുച്ഛേദം 28.
71. ന്യൂനപക്ഷ വിഭാഗങ്ങൾക്ക് വേണ്ടി ഭരണഘടനയിൽ ഉൾപ്പെടുത്തിയിരിക്കുന്ന മൗലികാവകാശം ഏത്?
📕 സാംസ്കാരികവും വിദ്യാഭ്യാസപരവുമായ അവകാശം.
(അനുച്ഛേദം 29 & 30.)
72. ന്യൂനപക്ഷ വിഭാഗങ്ങൾക്ക് വിദ്യാഭ്യാസ സ്ഥാപനങ്ങൾ ആരംഭിക്കുന്നതിനും നടത്തിക്കൊണ്ടുപോകുന്നതിനുമുള്ള അവകാശം അടങ്ങുന്ന അനുച്ഛേദം?
📕 അനുച്ഛേദം 30.
73. ഇന്ത്യൻ പൗരന്മാർക്ക് മാത്രം ലഭ്യമാകുന്ന മൗലികാവകാശങ്ങൾ ഏതൊക്കെ?
📕 അനുഛേദം 15, 16, 19, 29 & 30.
74. മൗലികാവകാശങ്ങളിൽ മൗലികമായത് എന്നറിയപ്പെടുന്ന അനുച്ഛേദം?
📕 അനുച്ഛേദം 32.
(ഭരണഘടനാപരമായ പ്രതിവിധികൾക്കുള്ള അവകാശമാണ് അനുച്ഛേദം 32 നൽകുന്നത്.)
75. ഭരണഘടനയുടെ ഹൃദയം, ആത്മാവ് എന്നിങ്ങനെ അംബേദ്കർ വിശേഷിപ്പിച്ചത്?
📕 അനുഛേദം 32 നെ.
0 Comments