1. മൗലികാവകാശങ്ങളുടെ സംരക്ഷണത്തിനായി കോടതി പുറപ്പെടുവിക്കുന്ന ഉത്തരവ്?
🌐 റിട്ടുകൾ.
2. റിട്ട് എന്ന ആശയം ഇന്ത്യ കടമെടുത്തത് ഏത് രാജ്യത്തുനിന്ന്?
🌐 ബ്രിട്ടൻ.
3. വിവിധ റിട്ടുകളുടെ നാമങ്ങൾ ഏത് ഭാഷയിൽ നിന്നാണ് എടുത്തിട്ടുള്ളത്?
🌐 ലാറ്റിൻ ഭാഷയിൽ നിന്ന്.
4. റിട്ടുകൾ പുറപ്പെടുവിക്കാൻ അധികാരമുള്ള കോടതികൾ?
🌐 സുപ്രീം കോടതിക്കും ഹൈക്കോടതികൾക്കും മാത്രം.
5. സുപ്രീംകോടതി റിട്ടുകൾ പുറപ്പെടുവിക്കുന്നത് ഏത് അനുച്ഛേദപ്രകാരമാണ്?
🌐 അനുച്ഛേദം 32 പ്രകാരം.
6. ഹൈക്കോടതികൾ പുറപ്പെടുവിക്കുന്നത് ഏത് അനുഛേദത്തെ ആധാരമാക്കിയാണ്?
🌐 അനുച്ഛേദം 226 പ്രകാരം.
7. ഇന്ത്യൻ ഭരണഘടനയിൽ പറഞ്ഞിട്ടുള്ള റിട്ടുകളുടെ എണ്ണം എത്ര?
🌐 5.
I. ഹേബിയസ് കോർപ്പസ് റിട്ട്.
8. വ്യക്തിസ്വാതന്ത്ര്യത്തിന്റെ സംരക്ഷകൻ എന്നറിയപ്പെടുന്ന റിട്ട്?
🌐 ഹേബിയസ് കോർപ്പസ്.
9. നിങ്ങൾക്ക് ശരീരം ഏറ്റെടുക്കാം എന്ന അർത്ഥം വരുന്ന റിട്ട്?
🌐 ഹേബിയസ് കോർപ്പസ്.
[നിയമവിധേയമല്ലാതെ തടവിൽ വച്ചിരിക്കുന്ന ഒരാളെ മോചിപ്പിക്കുന്നതിനായി കോടതി പുറപ്പെടുവിക്കുന്ന റിട്ട് = ഹേബിയസ് കോർപ്പസ്.]
📢 പൊതു സ്ഥാപനങ്ങൾക്കെതിരെയും സ്വകാര്യവ്യക്തികൾക്കെതിരെയും ഹേബിയസ് കോർപ്പസ് റിട്ട് പുറപ്പെടുവിക്കാം.
10. ഹേബിയസ് കോർപ്പസ് റിട്ട് ആദ്യം പ്രത്യക്ഷപ്പെട്ടതെവിടെ?
🌐 മാഗ്നാകാർട്ടയിൽ.
II. മൻഡാമസ് റിട്ട്.
11. നാം കൽപ്പിക്കുന്നു എന്നർത്ഥം വരുന്ന റിട്ടാണ്?🌐 മൻഡാമസ് റിട്ട്.
12. സ്വന്തം കടമ നിറവേറ്റാൻ ഒരു ഉദ്യോഗസ്ഥനോടോ പൊതു സ്ഥാപനത്തോടോ ആവശ്യപ്പെടുന്ന ഉത്തരവാണ്?
🌐 മൻഡാമസ് റിട്ട്.
13. മൻഡാമസ് റിട്ട് പുറപ്പെടുവിക്കാൻ കഴിയാത്തത്?
📢 സ്വകാര്യവ്യക്തികൾ, രാഷ്ട്രപതി, ഗവർണർമാർ, പാർലമെൻറ് തുടങ്ങിയവർക്കെതിരെ.
III. പ്രൊഹിബിഷൻ റിട്ട്.
14. ജുഡീഷ്യൽ, ക്വാസി-ജുഡീഷ്യൽ സ്ഥാപനങ്ങൾക്കെതിരെ മാത്രം പ്രയോഗിക്കാൻ കഴിയുന്ന റിട്ട്?🌐 പ്രൊഹിബിഷൻ റിട്ട്.
15. വിലക്കുക എന്നർത്ഥം വരുന്ന റിട്ടാണ്?
🌐 പ്രൊഹിബിഷൻ റിട്ട്.
16. ഒരു ജുഡീഷ്യൽ സ്ഥാപനം അതിന്റെ അധികാരപരിധി ലംഘിക്കുകയോ സ്വാഭാവിക നീതി നിയമങ്ങൾക്കെതിരെ പ്രവർത്തിക്കുകയോ ചെയ്യുമ്പോൾ പുറപ്പെടുവിക്കുന്ന റിട്ട്?
🌐 പ്രൊഹിബിഷൻ റിട്ട്.
മറ്റൊരു രീതിയിൽ പറഞ്ഞാൽ,
17. ഒരു കീഴ്ക്കോടതിയിലെ നിയമവിരുദ്ധവും നീതി രഹിതവുമായ വിചാരണ തടയാൻ പുറപ്പെടുവിക്കുന്ന റിട്ട്?
🌐 പ്രൊഹിബിഷൻ റിട്ട്.
IV. ക്വോ വാറന്റോ.
18. ഒരു വ്യക്തി അയാൾക്ക് അർഹമല്ലാത്ത ഉദ്യോഗം വഹിക്കുന്നതിനെ തടയുന്ന റിട്ട്?
🌐 ക്വോ വാറന്റോ.
19. ക്വോ വാറന്റോ എന്ന പദത്തിന്റെ അർത്ഥം?
🌐 എന്ത് അധികാരം.
V. സെർഷ്യോററി.
20. ഒരു കേസ് കീഴ്ക്കോടതിയിൽ നിന്നും മേൽ കോടതിയിലേക്ക് മാറ്റാൻ ഉത്തരവിടുന്നു റിട്ട്?🌐 സെർഷ്യോററി.
21. വിവരം നൽകുക, സാക്ഷ്യപ്പെടുത്തുക എന്നിങ്ങനെ അർത്ഥം വരുന്ന റിട്ടാണ്?
🌐 സെർഷ്യോററി.
22. സ്വകാര്യവ്യക്തികൾക്കെതിരെ പുറപ്പെടുവിക്കാൻ കഴിയാത്ത റിട്ടുകൾ ഏതൊക്കെ?
🌐 മൻഡാമസ്, പ്രൊഹിബിഷൻ & സെർഷ്യോററി.
നിർദ്ദേശക തത്വങ്ങൾ.
നിയമ നിർമാണത്തിലും നിർവഹണത്തിലും രാജ്യം പിന്തുടരേണ്ട മഹത്തായ ആശയങ്ങളും മാർഗങ്ങളും ലക്ഷ്യങ്ങളുമാണ് നിർദ്ദേശക തത്വങ്ങളിൽ പരാമർശിക്കുന്നത്. ഇന്ത്യയെ ഒരു ക്ഷേമരാഷ്ട്രമാക്കി മാറ്റുകയാണ് നിർദേശകതത്വങ്ങളുടെ ലക്ഷ്യം.23. നിർദ്ദേശക തത്വങ്ങളെ ഭരണഘടനയിൽ ഉൾപ്പെടുത്തിയ ആദ്യ രാജ്യം?
🌐 സ്പെയിൻ.
24. നിർദ്ദേശക തത്വങ്ങൾ ഇന്ത്യൻ ഭരണഘടന കടം കൊണ്ടിരിക്കുന്നത്?
🌐 അയർലണ്ടിൽ നിന്ന്.
24. നിർദ്ദേശക തത്വങ്ങൾ ഭരണഘടനയിൽ ഉൾപ്പെട്ടിരിക്കുന്ന ഭാഗം?
🌐 IV -ാം ഭാഗം (ആർട്ടിക്കിൾ 36 - 51 വരെ.)
25. നിർദ്ദേശക തത്വങ്ങൾ നമ്മുടെ ഭരണഘടനയുടെ ഭാഗമായത് ഏത് കമ്മിറ്റിയുടെ ശുപാർശ അനുസരിച്ചാണ്?
🌐 സപ്രു കമ്മിറ്റിയുടെ.
[സ്വരൺ സിംഗ് കമ്മിറ്റിയുടെ നിർദ്ദേശപ്രകാരം ഭരണഘടനയിൽ കൂട്ടിച്ചേർത്തത് മൗലിക കടമകളാണ്.]
26. മൗലികാവകാശങ്ങൾ പൂർണ്ണമായ അർത്ഥത്തിൽ സാക്ഷാത്കരിക്കാൻ നടപ്പിലാക്കേണ്ടുന്നവയാണ്?
🌐 നിർദ്ദേശക തത്വങ്ങൾ.
(എന്നാൽ നിർദ്ദേശക തത്വങ്ങൾ നടപ്പിലാക്കി കിട്ടാൻ ഒരു പൗരന് കോടതിയെ സമീപിക്കാൻ കഴിയില്ല.)
27. ഗാന്ധിജിയുടെ ക്ഷേമരാഷ്ട്ര സങ്കല്പങ്ങൾ ഉൾക്കൊള്ളിച്ചിരിക്കുന്ന ഭരണഘടന ഭാഗം?
🌐 IV -ാം ഭാഗം. (നിർദേശക തത്വങ്ങൾ).
28. നോവൽ ഫീച്ചേഴ്സ് ഓഫ് ദ ഇന്ത്യൻ കോൺസ്റ്റിറ്റ്യൂഷൻ എന്ന് നിർദ്ദേശക തത്വങ്ങളെ വിശേഷിപ്പിച്ചതാര്?
🌐 ഡോ. ബി. ആർ. അംബേദ്കർ.
29. ബാങ്കിന്റെ സൗകര്യാർത്ഥം മാറാൻ കഴിയുന്ന ചെക്ക് എന്ന് നിർദ്ദേശകതത്വങ്ങളെ വിശേഷിപ്പിച്ചതാര്?
🌐 കെ. ടി. ഷാ.
30. 'A veritable dust bin of sentiments' എന്ന് നിർദ്ദേശകതത്വങ്ങളെ വിശേഷിപ്പിച്ചത്?
🌐 ടി. ടി. കൃഷ്ണമാചാരി.
31. നിർദ്ദേശകതത്വങ്ങളെയം മൗലികാവകാശങ്ങളെയും ഭരണഘടനയുടെ മനസ്സാക്ഷി എന്ന് വിശേഷിപ്പിച്ചതാര്?
🌐 ഗ്രാൻവില്ലെ ഓസ്റ്റിൻ.
32. എ മാനിഫെസ്റ്റോ ഓഫ് എയിംസ് & ആസ്പിരേഷൻസ് എന്ന മാർഗനിർദ്ദേശക തത്വങ്ങളെ വിശേഷിപ്പിച്ചതാര്?
🌐 കെ. സി. വെയർ.
33. നിർദ്ദേശക തത്വങ്ങൾ ന്യായ വാദത്തിന് അർഹമല്ല എന്ന് അനുശാസിക്കുന്ന വകുപ്പേത്?
🌐 അനുച്ഛേദം 37.
34. തുല്യനീതിയും പാവപ്പെട്ടവർക്ക് സൗജന്യ നിയമ സഹായവും നൽകണമെന്ന് അനുശാസിക്കുന്ന വകുപ്പ്?
🌐 അനുച്ഛേദം 39 A.
35. സ്ത്രീക്കും പുരുഷനും തുല്യ ജോലിക്ക് തുല്യ വേതനം നൽകണമെന്ന് അനുശാസിക്കുന്നത്?
🌐 അനുച്ഛേദം 39 D.
36. ഗ്രാമപഞ്ചായത്തുകളുടെ രൂപീകരണത്തെ കുറിച്ച് പ്രതിപാദിക്കുന്ന അനുഛേദം?
🌐 അനുച്ഛേദം 40.
37. ഏകീകൃത സിവിൽകോഡ് നടപ്പിലാക്കണമെന്ന് അനുശാസിക്കുന്ന അനുഛേദം ഏത്?
🌐 അനുച്ഛേദം 44.
38. ഏകീകൃത സിവിൽ കോഡ് നിലവിലുള്ള ഏക ഇന്ത്യൻ സംസ്ഥാനം ഏത്?
🌐 ഗോവ.
39. 6 വയസ്സിനു താഴെയുള്ള കുട്ടികൾക്ക് സംരക്ഷണവും വിദ്യാഭ്യാസവും നൽകണമെന്ന് അനുശാസിക്കുന്ന വകുപ്പ്?
🌐 അനുഛേദം 45.
40. മദ്യനിരോധനം നടപ്പിലാക്കണമെന്ന് അനുശാസിക്കുന്ന ഭരണഘടനാ വകുപ്പേത്?
🌐 അനുഛേദം 47.
41. കേരളത്തിൽ 2015 ൽ ബാറുകൾ പൂട്ടുന്നതിനെടുത്ത സർക്കാർ തീരുമാനം ഭരണഘടനയിലെ ഏത് പ്രൊവിഷന്റെ നടപ്പാക്കലായി കരുതാം?
🌐 മാർഗ്ഗനിർദ്ദേശക തത്വങ്ങളുടെ.
42. സംസ്ഥാന രൂപീകരണം മുതൽ തന്നെ സമ്പൂർണ മദ്യനിരോധനം നിലവിലുള്ള ഏക സംസ്ഥാനം?
🌐 ഗുജറാത്ത്.
43. ഗോവധനിരോധനം, കൃഷി, മൃഗസംരക്ഷണം എന്നിവയെ കുറിച്ച് പ്രതിപാദിക്കുന്ന വകുപ്പ്?
🌐 അനുച്ഛേദം 48.
44. ഗോവധ നിരോധന നിയമം നടപ്പിലാക്കിയ ആദ്യ ഇന്ത്യൻ സംസ്ഥാനമേത്?
🌐 ഗുജറാത്ത്.
45. പരിസ്ഥിതി സംരക്ഷണം, വനം, വന്യജീവി സംരക്ഷണം എന്നിവയെ കുറിച്ച് പരാമർശമുള്ള വകുപ്പ്?
🌐 അനുഛേദം 48 A.
46. ദേശീയ പ്രാധാന്യമുള്ള സ്മാരകങ്ങൾ, സ്ഥലങ്ങൾ, വസ്തുക്കൾ എന്നിവയുടെ സംരക്ഷണത്തേക്കുറിച്ച് പരാമർശമുള്ള വകുപ്പ്?
🌐 അനുഛേദം 49.
47. നീതിന്യായ വിഭാഗത്തെ കാര്യനിർവ്വഹണ വിഭാഗത്തിൽ നിന്ന് വേർതിരിക്കണമെന്ന് അനുശാസിക്കുന്ന വകുപ്പ്?
🌐 അനുഛേദം 50.
48. അന്താരാഷ്ട്ര സമാധാനം പ്രോത്സാഹിപ്പിക്കുന്ന ഭരണഘടനാ വകുപ്പ്?
🌐 അനുഛേദം 51.
0 Comments